影片
更多
2023-01-26
979 浏览
【西环】坤记煲仔小菜天气又冻返，今次朋友带路嚟到西营盘食煲仔饭。平日夜晚7点钟，一步已经见到大排长龙，排咗一个钟入座，排隔离嘅哥仔仲话算快，佢话平时条队系今日嘅两三倍。煲仔饭即叫即做，所以嗌咗两个小菜食住等～✨椒盐九肚鱼外皮炸得超松脆，一咬开鱼肉入口即化开，好比豆腐般咁嫩😍（注意鱼骨较幼，小心鱼骨！）✨姜汁芥兰比呢碟芥兰惊艳到，颜色翠绿而且爽口。其实只系一碟好基本嘅炒芥兰，真心好食过出面好多地方。等咗大概25分钟，重头戏到了～✨白鳝田鸡饭两款𩠌都系我最爱，白鳝皮爽肉滑，田鸡都好嫩滑，个人特别推介白鳝，豉汁再加埋店舖嘅甜豉油真系无得输！👉🏻食煲仔饭钟意食饭焦嘅朋友，可选润肠、腊味、油鸭 呢啲重油份嘅𩠌，做出嚟嘅饭焦会更香更可口。✨排骨润肠饭排骨入味冧身，润肠好香而且浓味，润肠油份渗埋落白饭，饭焦超香口，钟意食润建议孖肠😍饭焦金黄色好靓仔，不枉我等咗咁耐！✨坤记煲仔小菜📍西环西营盘皇后大道西263号和益大厦地下1号舖
天气又冻返，今次朋友带路嚟到西营盘食煲仔饭。平日夜晚7点钟，一步已经见到大排长龙，排咗一个钟入座，排隔离嘅哥仔仲话算快，佢话平时条队系今日嘅两三倍。
煲仔饭即叫即做，所以嗌咗两个小菜食住等～
✨椒盐九肚鱼
外皮炸得超松脆，一咬开鱼肉入口即化开，好比豆腐般咁嫩😍（注意鱼骨较幼，小心鱼骨！）
✨姜汁芥兰
比呢碟芥兰惊艳到，颜色翠绿而且爽口。其实只系一碟好基本嘅炒芥兰，真心好食过出面好多地方。
等咗大概25分钟，重头戏到了～
✨白鳝田鸡饭
两款𩠌都系我最爱，白鳝皮爽肉滑，田鸡都好嫩滑，个人特别推介白鳝，豉汁再加埋店舖嘅甜豉油真系无得输！
👉🏻食煲仔饭钟意食饭焦嘅朋友，可选润肠、腊味、油鸭 呢啲重油份嘅𩠌，做出嚟嘅饭焦会更香更可口。
✨排骨润肠饭
排骨入味冧身，润肠好香而且浓味，润肠油份渗埋落白饭，饭焦超香口，钟意食润建议孖肠😍
饭焦金黄色好靓仔，不枉我等咗咁耐！
✨坤记煲仔小菜
📍西环西营盘皇后大道西263号和益大厦地下1号舖
张贴
