影片
更多
2022-08-01
158 浏览
原来差不多5年无写食评，呢间绝对值得蒲头一写！其实已经第3次帮衬 La Barra，第1次食完已经想写，但又想试多几道菜色先写~~MENU La Barra 位于荔枝角地铁站同长沙湾地铁站中间，系有少少吊脚，但行去亦唔系话好远， 长沙湾地铁站C2出口大约6-8分钟。装修以橙色为主，再配上西班牙花砖，简约得黎又带点西班牙风情，话明小店，餐厅不算宽敞，但有足够位置用餐，亦有Ｂａｒ台位，我自己反而几钟意坐Ｂａｒ台。平日夜晚都算多人，建议订台！ Crab Croquetas 蟹肉可乐饼 & Squid Croquetas 墨汁鱿鱼可乐饼 $18/pc餐厅有3款可乐饼，分别系松露蘑菇、蟹肉同墨汁鱿鱼，我自己就偏好蟹肉同墨汁鱿鱼，每次都会叫！就算你单叫一粒都可以～入面系有蟹肉同鱿鱼粒，虽然都系mix左薯蓉，但味道系大不同，Creamy得黎都食到蟹肉同鱿鱼粒，两款都食到鲜味～～Iberico Ham 纯种黑毛猪火腿 48个月 $128我系超钟意食Ham，平时出去食同样份量一定唔止呢个价钱，而且呢度既Ham充满油香回甘，又唔会太腻太咸，同行友人唔系好食，我差不多自队一碟大满足！Gambas al
MENU
La Barra 位于荔枝角地铁站同长沙湾地铁站中间，系有少少吊脚，但行去亦唔系话好远， 长沙湾地铁站C2出口大约6-8分钟。
装修以橙色为主，再配上西班牙花砖，简约得黎又带点西班牙风情，话明小店，餐厅不算宽敞，但有足够位置用餐，亦有Ｂａｒ台位，我自己反而几钟意坐Ｂａｒ台。平日夜晚都算多人，建议订台！
Crab Croquetas 蟹肉可乐饼 & Squid Croquetas 墨汁鱿鱼可乐饼 $18/pc
餐厅有3款可乐饼，分别系松露蘑菇、蟹肉同墨汁鱿鱼，我自己就偏好蟹肉同墨汁鱿鱼，每次都会叫！就算你单叫一粒都可以～
Crab Croquetas & Squid Croquetas
$18
29 浏览
0 赞好
0 留言
入面系有蟹肉同鱿鱼粒，虽然都系mix左薯蓉，但味道系大不同，Creamy得黎都食到蟹肉同鱿鱼粒，两款都食到鲜味～～
Squid Croquetas
$18
31 浏览
0 赞好
0 留言
Iberico Ham 纯种黑毛猪火腿 48个月 $128
我系超钟意食Ham，平时出去食同样份量一定唔止呢个价钱，而且呢度既Ham充满油香回甘，又唔会太腻太咸，同行友人唔系好食，我差不多自队一碟大满足！
Iberico Ham
$128
25 浏览
0 赞好
0 留言
Gambas al Ajillo 西班牙蒜油虾 $98
呢道菜系西班牙餐厅必有的Tapas，虾肉新鲜爽口，蒜片已经煮到香甜，伴碟既面包片点蒜油食系超正，如果蒜香再重少少会更惹味！
Gambas al Ajillo
$98
43 浏览
0 赞好
0 留言
Meatball with Mushroom Sauce 自家制肉丸 $88
本身系无谂过叫呢道菜，但周边既台都有叫自家制肉丸，出于羊群心态就试下，肉味浓同个自家制既汁好夹，重口味少少既友人大爱！
Meatball with Mushroom Sauce
$88
37 浏览
0 赞好
0 留言
Manila Clams with Mojo Sauce 马拉蚬配Moji酱 $198
西班牙少不了海鲜，Menu上有马拉蚬亦有青口，其实两款都好想试，但怕太饱只好二拣一，因为好耐无食Moji酱既菜式，最后决定叫马拉蚬，下次先试青口! d 马拉蚬只只都好肥美又无沙，而Moji酱又唔会盖过马拉蚬既鲜甜，好快清晒！
Manila Clams with Mojo Sauce
$198
17 浏览
0 赞好
0 留言
Red Prawn Paella (Today Special) 西班牙红虾饭 (是日推介) $248
第一次帮衬时已经食过西班牙海鲜饭，回味无穷，系觉得比起某d酒店餐厅更好食，之后再黎想encore，但见到Today Speical 有Red Prawn Paella，要知道西班牙红虾系虾中极品，就试试佢！只虾虾味真系好浓郁，虾羔劲香甜，烩饭仍然都系咁好食，饭粒系吸晒浓汤，收水收得刚刚好~
Red Prawn Paella (Today Special)
$248
20 浏览
0 赞好
0 留言
第一次食 Seafood Paella 西班牙海鲜饭 既相 for reference ~
Seafood Paella
$248
33 浏览
0 赞好
0 留言
Churros 西班牙油炸鬼 $68
Churros 系西班牙传统甜点，好钟意呢度既Churros沾满砂糖得黎仲有肉桂既味道，加上 Churros 外脆内软，会不自觉就食下一条食下又一条， 而Churros 大多配朱古力酱，呢度除左朱古力酱仲有Vanilla雪糕，可能已经有砂糖，再点朱古力酱会觉得甜左d，反而点Vanilla雪糕都觉得好夹㖞~~记得留肚食呀!
Churros
$68
25 浏览
0 赞好
0 留言
题外话/补充资料：
基本上每次黎都会啰啰挛咁，因为又想试新野又想encore食过好食既，老板兼大厨 Peter 好健谈，会问下意见或分享下心得，Feel 到好有心去做好食物俾客人，好钟意呢种小店人情味，疫市下希望大家都可以支持下小店，唔想再有好食既小店消失~~
(以上食记乃用户个人意见 , 并不代表OpenRice之观点。)
张贴
