影片
更多
2021-11-22
149 浏览
寻日一家大细入康城玩，去左一间服务态度同食物质素都非常好嘅餐厅—Jade Leaf一入餐厅，因为已经差唔多爆场，我同老公因为6位就一人坐一张枱，之前听到门口有人话可以6人一枱，我起身问左个后生女经理，我地都有用App,可唔可以转枱，佢好爽快应承，仲带我哋入去后面卡位等咗差唔多20分钟我啲朋友终于到齐，因为有两个小朋友，所以我哋都叫咗颇多嘅嘢食，当值员工好似有四个，全部都系后生仔女，但系佢哋冇因为全场爆晒而忽略咗我哋最入𠮶张枱，只要我一声唔该，就会即刻有人过嚟应我，因为有小朋友杂物都比较多，仲会定时清走枱面上食完嘅餐盘，真系值得一赞成餐饭都食得好舒服，见到佢哋相处得好融洽，个女仔经理仲请我对小朋友食糖，一见到糖本身扭紧计嘅妹妹即刻笑返我哋叫咗生牛肉粉，小食拼盘仲好似有个沙律咁上下，全部都好好食，牛肉非常之滑，小食拼盘每一样有两件，每人平均分少少亦都唔会太饱，不过如果有埋甜品会更好个女仔听到讲甜品，就话之后会有甜品，叫我哋下次再嚟，我话你哋态度咁好一定会今次真系一个好愉快嘅经历，见到佢哋几个走来走去，又要包外卖又要送餐点，真系辛苦晒走嘅时候，我同经理讲辛苦晒，佢答我应该嘅，最紧要仲笑住送我
一入餐厅，因为已经差唔多爆场，我同老公因为6位就一人坐一张枱，之前听到门口有人话可以6人一枱，我起身问左个后生女经理，我地都有用App,可唔可以转枱，佢好爽快应承，
仲带我哋入去后面卡位
等咗差唔多20分钟我啲朋友终于到齐，因为有两个小朋友，所以我哋都叫咗颇多嘅嘢食，当值员工好似有四个，全部都系后生仔女，但系佢哋冇因为全场爆晒而忽略咗我哋最入𠮶张枱，只要我一声唔该，就会即刻有人过嚟应我，因为有小朋友杂物都比较多，仲会定时清走枱面上食完嘅餐盘，真系值得一赞
成餐饭都食得好舒服，见到佢哋相处得好融洽，个女仔经理仲请我对小朋友食糖，一见到糖本身扭紧计嘅妹妹即刻笑返
我哋叫咗生牛肉粉，小食拼盘仲好似有个沙律咁上下，全部都好好食，牛肉非常之滑，小食拼盘每一样有两件，每人平均分少少亦都唔会太饱，不过如果有埋甜品会更好
个女仔听到讲甜品，就话之后会有甜品，叫我哋下次再嚟，我话你哋态度咁好一定会
今次真系一个好愉快嘅经历，见到佢哋几个走来走去，又要包外卖又要送餐点，真系辛苦晒
走嘅时候，我同经理讲辛苦晒，佢答我应该嘅，最紧要仲笑住送我哋出去话下次见，连我个仔都话姐姐下次见😂
真系一间好好服务嘅餐厅，依家好少有，行过真系可以试吓😂
张贴