一虎

营业中

休息中

湾仔附近其实都好多间唔同嘅拉面店，但唯独呢间真系可以令我不断再访。柠檬拉面听个名已经觉得新颖特别，事前完全幻想唔到柠檬同拉面嘅配搭会系点，所以真系好出乎意料之外。先讲讲个猪骨汤底加左柠檬汁系的确可以减轻左汤底嘅腻感，而佢嘅面可以拣软硬度，而佢出嚟嘅效果亦都完全可以符合到我嘅要求，叉烧有咬口而且味道岩岩好唔会太咸，而配菜份量都多，最后可以令我多次回头嘅原因系佢只溏心蛋系整得好好食，够流心之余亦都好入味。虽然价钱上系有少少贵，但食完碗面系会觉得对得住个价钱。