喜來稀肉 (已結業)

无得去韩国，唯有去食韩烧解下旅行瘾。之前已经听朋友大力推荐过依间喜来稀肉物超所值，今日一试果然无介绍错。餐厅系地库，空间都几大。每张台相隔都有一定距离。坐得舒服又确保到私人空间。Menu选择都几多，净系牛都有超过十款以上。我地拣左真雪花牛肉同护心牛肉，另外仲叫多左个水冷面。一碟牛望落好似唔多，但食落份量真系足够有余。雪花牛肉肥瘦均匀，烧好放入口一试，真系无得弹！肉质劲嫩，入口即化。唔加配菜落少少酱就咁食都已经好好味。护心牛肉牛味浓郁，比雪花牛更有口感。两款肉都好好味。依度嘅配菜可以无限添加，生菜新鲜，泡菜酸度适中，超级惹味。系烧好嘅牛上再加上泡菜、生菜之类嘅配菜，令到口感更加丰富。系咁keep住食都唔会觉得厌。怕净系食烧肉太热气，所以叫左碗水冷面中和下，虽然个面底卷埋左一齐，食落一饼野咁，不过胜在汤头清甜，真系做到解腻嘅效果。依间韩烧无论环境定食物质素都有中上嘅水平，想再食韩烧嘅时候一定会再黎帮衬。