CheckCheckCin 米水茶飲 (已結業)

今日site visit后好口渴，咁岩系yoho,顺便去试呢间check check sin,见到佢分门别类左几项比较养生既饮料，未饮已经加晒分，因为觉得有心思！样样都想试，我唯有问个女仔staff，佢个人中意饮边d,佢介绍左有咬口既苹果雪梨菊花茶同埋紫薯燕麦米水。因为我系正个几日唔舒服，唔敢叫冻饮，就叫左热既紫薯燕麦米水黎试，同事则叫左茉莉柠檬茶。职员态度都唔错，会耐心回答，终于等到我杯紫薯燕麦米水，我原本好惊劲热，要等佢常温返，点知原来系暖暖地，可以即时享用，又系一个加分位！最重要系唔甜！饮落好顺口，仲有薏米粒粒咬，份量仲要唔少，足料！最重要系环境都唔错，座位仲有插头俾大家叉电，完全系我会再encore既饮品店！