Victoria Restaurant

营业中

休息中

其实呢间餐厅门面唔多起眼，侍应见到我地拎住一袋二袋入去，本身安排左张2人台俾我，后尾拍多左张台俾我地坐，叫我地坐得舒服d。呢到我内心系加左1分，因为食物质素重要，服务态度都一样。今次我地冇食set dinner，散点左几款菜式。黑椒半烧薄切鲜吞拿鱼 $98 平时刺身就食得多，半烧嘅吞拿鱼都系第一次试，黑椒调味，薄切吞拿鱼口感几特别，但唔系入口即溶。配上碟边嘅黑醋沙律菜，好开胃。海鲜意粉配鲜虾茄蓉汁 $148 海鲜有青口，大虾，蚬肉，意粉烟韧，配上浓浓茄蓉酱，好味。黑安格斯肉眼扒 $278 一般食牛扒我都会叫medium rare，切嘅时候仲有血水渗出，肉质juicy，证明厨师冇overcooked，岩哂我呢d牛魔王。