影片
更多
2023-01-03
237 浏览
新年带狗狗入马湾，本身已bookmark 🔖 咗呢间cafe，但因为要赶船，最后我哋只系喺临上船离开马湾前喺度点咗杯饮品，快闪坐低打卡，逗留咗15分钟左右~~室外的环境好有度假feel，非常写意，坐户外对住马湾个景，而座位大部分系露营矮折櫈，虽然谈唔上舒适，但都可以呃下自己呀，当去咗度假或入camp室内空间感十足，布置亦几有特色，最后我哋拣咗同狗狗喺室内坐一啲旧木櫈，都几特别。我哋点咗冻福湾62%朱古力，$58。呢度的食品、饮品唔平，我哋见到有好吸引、唔同口味的巴斯克芝士蛋糕，大约$60/件，所以嚟呢度正正经经下午茶的话，每人消费都要过$100。我系见餐牌上写呢杯饮品的原材料系得到2019最佳黑朱古力大奖，所以就谂住试试。杯饮品都几细杯，用酒杯装住，得半杯，最上系泡，最底系冰。我期待的系一杯浓稠到会「酱」住个口的朱古力饮品，而佢的texture同味道都系意料之外~~首先，佢好watery，另外就系佢虽然有朱古力味，但亦带酒味，我饮咗一啖，难以形容，而狗狗爸爸饮完就问我系咪有酒？我点知啫。。。餐牌写「Fu Wan 62% Choco H/C」，我点的时候连Fu Wan系乜都未知，所以饮饮
室外的环境好有度假feel，非常写意，坐户外对住马湾个景，而座位大部分系露营矮折櫈，虽然谈唔上舒适，但都可以呃下自己呀，当去咗度假或入camp
室内空间感十足，布置亦几有特色，最后我哋拣咗同狗狗喺室内坐一啲旧木櫈，都几特别。
我哋点咗冻福湾62%朱古力，$58。呢度的食品、饮品唔平，我哋见到有好吸引、唔同口味的巴斯克芝士蛋糕，大约$60/件，所以嚟呢度正正经经下午茶的话，每人消费都要过$100。我系见餐牌上写呢杯饮品的原材料系得到2019最佳黑朱古力大奖，所以就谂住试试。
冻福湾62%朱古力
$58
24 浏览
0 赞好
0 留言
杯饮品都几细杯，用酒杯装住，得半杯，最上系泡，最底系冰。我期待的系一杯浓稠到会「酱」住个口的朱古力饮品，而佢的texture同味道都系意料之外~~首先，佢好watery，另外就系佢虽然有朱古力味，但亦带酒味，我饮咗一啖，难以形容，而狗狗爸爸饮完就问我系咪有酒？我点知啫。。。餐牌写「Fu Wan 62% Choco H/C」，我点的时候连Fu Wan系乜都未知，所以饮饮下（其实冇几多啖），我强烈怀疑我系咪真系点咗有酒精饮品？不过呢，杯嘢饮虽则系有酒精的香，但就冇乜酒精的味~~
返到屋企，点都要查下。。。呢杯饮品系用咗赢得2019 ICA 亚太区世界朱克力大赛的福湾62%黑朱古力制成。睇埋福湾官网，佢的朱古力制作模式系Tree-To-Bar而唔系Bean-to-Bar，前者包含种植可可树到制成朱古力的完整流程，全世界只有不出10个商家系用呢种方式生产朱古力。由于Tree-to-Bar比Bean-to-Bar多咗可可树的培育、采集到发酵的前期阶段，所以生产出嚟的朱古力会因可可豆唔同的发酵过程而引发并保留出独一无二的朱古力风味，而每款福湾朱古力都会有佢的专属香气。资料就系咁多。
资料归资料，口味可能重要啲，我自己比较喜欢浓稠、奶味重的朱古力饮品，而呢杯饮品唔系唔好饮，甚至佢系我饮过最特别的朱古力，不过佢无论质感或味道都唔系好rich。当睇到啲资料时，我觉得cafe都几讲究，收得你$60杯饮品，都会用啲好材料。另外，呢度的环境真系好正，虽然大部分人嚟到都系打卡，但大家唔嘈，所以如果想安静地睇下书又或者思考人生，我觉得呢个地方都系适合既。有机会，我都想再嚟~~
张贴
