鍋心粥底火鍋 (積存街) (已結業)

开始凉凉地，又系时候打边炉喇！早排贴Honey去大围食面时见到锅心粥底火锅好似好正咁，𠮶时Honey已经话下次要试吓，所以今次一讲打边炉就二话不说嚟呢到试吓。由于系即庆关系，所以我地无订枱，原来无订枱嘅话系有风险架，事关呢到嘅枱唔算多，而每一段嘅时间都好爆，因为有食过嘅食客都一定会预先订枱，所以一路等一路都担心之前订咗枱嘅人都到齐，咁我地就食唔到...不过好彩我地系后补第一个，所以最终都有得安排我地入去食。呢到个就唔使谂要选择咩汤底，因为只有粥底一款，而海鲜就可以自选五款，其他火锅配料就可以选择八款，以$200仲要唔加一嚟讲，真系好丰富。肉蟹、北寄贝好鲜甜大尾鱿好爽口虾够新鲜弹牙自家制嘅手打鸡软骨丸好好味蚝就细咗些少食完哂所有火锅料后，就有职员帮我地整个粥，粥底吸收哂之前嘅海鲜精华，好好味叫埋野饮埋单都系$438两个人，真系抵食过好多所谓任食火锅呀！