芭堤雅泰國餐館

营业中

休息中

好耐冇写食评了，今日同老板去元朗工作，唔知食乜好，客户推介去芭堤雅食泰国菜，去到见门口放了一壶冰水及大量纸杯供客人等侯期间免费享用，已经觉得好窝心。到达时大约六点，未坐满，职员提醒每枱限坐90分钟，但可因应到时等候的客人情况酌情处理。因为我唔食辣，叫咗泰式炒杂菜，金不换炒金边粉，招牌芭堤雅炒饭。食物上枱都算快，上菜时职员都会细心地话畀你听落柠檬及鱼露等要注意的事，虽然口味嘅嘢因人而异，但职员嘅温馨提示令我哋感觉舒服。食物份量适中，味道唔会太咸太浓，食完返到屋企亦唔会口干。未够七点已经好多人在等枱，但职员亦冇比压力我哋，见佢哋咁友善，都希望佢哋做多转生意，我哋亦识趣地尽快食完离开让座。整体而言，是绝对值得回头及推介的食肆。