大丸ラーメン

营业中

休息中

好耐无试过食碗拉面要排一个钟头队，但见到香港人为一碗拉面而排队系开心嘅，下午13:15到，14:20入得，坐底一阵已经听到店员话今日已经要截龙，开12点，两点半已经截龙，不得了，今日本来专登收早啲念住去食个限定贝丸(海鲜豚骨)，不过排到我时已经无晒，咁就转食虾丸(虾豚骨)，豚骨汤头够浓够厚身，加上樱花虾香，饮得出汤头有层次，面条我拣左细面，佢哋仲有粗身面可以选择，但汤面个人唔太喜欢太粗面条，面条有小麦香，面质幼滑爽口有弹性，叉烧就普通正常水准，低温煮，有肉香，半熟蛋选用日本新纪元卵．晓，蛋黄深橙红色，蛋味香浓够流心。面店由日本人师傅主理，所以可以话对食物出品特别有要求，而且仲要几好样，态度友善。今日坐我隔离有两位男食客，佢哋食完碗面时其中一位饮晒碗汤，佢朋友就话：你咁犀利连汤都饮晒，咁饮晒汤个人就话：紧系啦，师傅咁辛苦煲啲汤出嚟紧系要饮晒，听完我心念呢啲咪尊重啰，当然亦要碗汤得先可以饮晒。下次要11:30去排队食限定贝丸