博多拉麵別天神 (已結業)

放工喺旺角买完野之后当然要医埋肚，经过依间铺见到平日都竟然要排咁长龙，好奇望一望原来系食拉面！望入去全部都系吧枱，地方唔大，开放式厨房咁，好有日本嘅味道，都几吸引，所以都排队试下不过其实都唔需要排好耐嘅，差唔多排到嘅时候仲可以系门口自助点餐，一坐低就好快有得食，方便快捷！嘢食嘅选择唔多，同朋友分别叫咗别天神套餐同虾味噌套餐。朋友叫左别天神套餐包左呢个豚骨拉面，一放低见到奶白色嘅猪骨汤就觉得好吸引既刻偷黎饮啖先，味道好浓，唔错！至于我依个虾味哙豚骨拉面我觉得系更吸引！汤底一饮已经饮到虾味，而且有劲多樱花虾，另外有成只蛋都好爽！煮得岩岩好流心，酱油味都好出。拉面方面依间好幼身，面底偏软，几岩我口味。小食方面都有惊喜！个小龙虾沙律食落有淡淡嘅Wasabi味，而且好足料好多龙虾肉系入面，夹紫菜食好好味。饺子方面味道冇乜特别但煎得啱啱好所以外皮香脆得黎又唔太窿，不错！总括嚟讲呢间真系冇令我失望，难怪有咁多人排队