湯。雞

营业中

休息中

葵广好一向多野食，呢间米线店真系长期排队，想食每次都趁佢一开门先得。砂锅花胶鸡汤翅 $83★★★★☆砂锅上枱食到尾都仲系热辣辣。汤底饮落有厚度几稠密，可能关有加花胶事。饮落几顺口冇味精，有鸡味、火腿，几浓郁，汤底仲有啲翅角仔，整体足料。花胶大旧几肥厚，重胶质又冇腥味，唔错。鸡肉好多件，唔算系超级嫩滑，但唔鞋，有鸡味。米线好滑溜，食食下都不知觉饮哂成碗汤。麻辣墨鱼头 $49★★★★☆呢到嘅招牌冷盘小食都好出名，除左食米线真系要叫番一份。一份都好多(2-3人份量)，呢个麻辣味好出，特别系麻味，墨鱼头好爽口弹口，加埋个酱汁劲惹味，必叫！🌟总括：味道唔错，真材实料，出面好多主打花胶鸡米线都做唔到佢呢个质素，绝对会再去。