大小姐冰室

营业中

休息中

行完工展会，当然就喺北角食埋晚饭呀，行到英皇道就见到间应该开张无耐嘅大小姐冰室，装潢好靓好新净，入去坐落亦都极之舒服，而香港人最钟意坐嘅卡位，佢都有好大量供应；咁行工展会行到又肚饿又冻，当然要点返个羊腩煲嚟到暖下个身喇，再加埋呢度出名嘅大小姐猪扒焗饭和炖汤就完美喇；最后加杯劲大杯嘅爆珠薄荷特饮和西班牙咖啡当甜品或者饮品都系极之适合！首先讲讲个羊腩煲，真系好抵食好多嚿羊腩，好淋好入味就算唔点腐乳酱都够晒味，仲有一碟生菜可以畀你清清喉咙，实在系完美嘅组合，个羊腩煲入面啲配菜亦都好丰富，有马蹄冬菇同埋腐竹，真系可以用淋，滑，香嚟形容；至于个大小姐焗猪扒饭，卖相当然系畀大家乐嘅猪扒饭好好多啦，更加上佢焗到溶和脆嘅芝士都溶晒入猪扒同埋饭入面，食落特别有芝士香味，仲有啲拉丝添，猪扒先炸后焗，表面脆而锁住肉汁，加上番茄同芝士嘅味道，真系齿颊留香，而服务员既专业服务，令到客人有宾至如归嘅感觉。