御前大江戶日式料理 (已結業)

估唔到观塘都有咁好食既放题，CP值超高。佢除了一般放题有既刺身寿司，热食之外，仲有炉端烧可以比你烧烤。呢度既好处系用ipad落单，唔驶等人黎收纸，而且店员服务态度好好，仲会过黎教你点烧同帮手。刺身大约十款左右,全部都好新鲜，寿司选择亦有很多种类，生既熟既都有，细细件一啖一件，唔惊太饱食唔到其他，连平时比较少既左口鱼寿司都有。饮品款式亦很多，除左一般汽水，啤酒，仲有提子酒，凉茶，鲜橙汁。炉端烧加一位$60有个海鲜拼盘，有烧蟹盖，蛏子，扇贝，蚝同鲍鱼，如果唔加都有虾，毛蟹，活刀贝，黄金螺同大蚬可以烧，所有烧烤都好味唯独毛蟹有d咸。其他热食亦好多种类及味道很好，即使泰式食物亦唔会做得唔好味，值得推介既放题。