亞蘇爾 (新城市廣場) (已結業)

呢间餐厅开咗差唔多一年，终于有机会试试。平时见好多人等位，今日又唔算要等好耐。点好彩后，上菜嘅速度都几快。葡汁焗青口有六大只青口，青口肉实净，加上薯蓉、烟肉粒、洋葱、芝士，焗得非常好味，非常香口。咖喱羊架配脆猪包上碟已经闻到好浓嘅咖喱汁味，有三大片羊架，外皮烧得香脆，内面仍然有肉汁。特别想讲下咖喱汁唔算太辣，好惹味，拌猪仔包一流！脆皮猪手上碟嘅时候用一个透明盖盖住，侍应会喺个盖中间加热，个盖瞬间就变咗白蒙蒙一片，有飘出阵阵烧烤味。引来旁边食客都望过嚟。猪手份量都算多，原只上，已经起肉起骨。这个𩠌要趁热食，放凉了猪皮会比较韧。呢间餐厅有惊喜， 三碟菜都好食，会再黎试试其他。