風車

营业中

休息中

呢间街口嘅西餐厅，评价一直都唔错，见佢换咗新餐牌，就去试吓。一入餐厅，就俾佢栈大水晶灯吸引咗目光。柔和嘅灯光，令人入到去好放松。餐牌上边选择都唔少，大部份系类似西班牙菜，佐酒小食咁样。啤酒选择仲有几多，有香港嘅手工啤饮！小食我哋叫咗一个鸭肉生菜包，细细件可以用手拎住食。鸭肉上边加咗少少灯笼椒辣椒酱，有微微嘅辣味，同个鸭肉好夹。加埋生菜同埋入边嘅蕃茄粒，味道好清新！另外都叫左个水牛城鸡翼，鸡翼新鲜炸出嚟，好香脆。上边嘅酸辣汁味道都啱啱好，唔会太辣。加埋一杯香港手工啤，正呀！🤪我哋仲叫咗个蘑菇汤，入边食得出一粒一粒嘅蘑菇，真材实料！主菜非常精彩叫咗一个经典嘅fish and chips, 一上枱见到咁大份，哗左出声🤩件鱼肉虽然大嚿，但系肉质都好嫩。两个人食，差啲食唔晒餐厅仲有两部大电视，可以睇波添得闲经过大围，会再嚟食多次👍🏼👍🏼