窩子

营业中

休息中

一行三人去新蒲岗聚旧，见呢间openrice好评咁多就吸引左过黎。我地叫左两样主菜同一个甜品，个人认为三样都好食。其中最令我惊喜嘅系梳乎厘pancake，不过同行友人对佢就有啲保留，因为佢觉得太腻，重点系佢对梳乎厘冇乜好感。每块pancake中间都有一旧牛油，我觉得食落唔太似牛油嘅，唔知佢点整，有啲焦糖脆脆嘅感觉（只有我咁觉得)。黑糖浆亦好食，配pancake好夹。杂菌松露扁意粉都好好食，一放上枱就好香松露味。个汁浓得黎唔算太腻，不过唔好睇佢细细碟，三个女仔share都好觉得饱。另外有一个咸嘅窝夫，相对前两样比较普通。窝夫本身松化唔太实，亦食得出冇落太多牛油同糖，可能因为要衬返啲咸野。饮品方面因为夜晚所以冇试咖啡，不过我平时都唔太饮得咖啡。叫左个桂花茶，比较淡冇乜特别。总括而言系值得特登入黎新蒲岗试嘅cafe。但佢甜品嘅份量绝对系三个人以上食先合理，可以细份啲先可以试多几样。