影片
更多
2011-11-10
361 浏览
今日十五，家人说晚上外出食素，其实之前一直都是在元朗的另一间素食馆食的，但因为那间的质素的确每况愈下，唯有另觅素食馆。妈妈的朋友推介这里，所以就来一试。我们点了个四人套餐，分别有六道菜：素汤翅（唔记得左名）1窝、葡汁焗薯仔琵琶鸭、脆皮乳猪（例）、蟹肉芙蓉蛋时菜、炒饭（唔记得左名）、腰果西芹炒花枝片。先讲服务态度，一入去就有人主动招呼我地，一坐底睇MENU果阵就决定要点套餐，因为真系抵食。当我地等紧上菜的期间，隔离台的两位客人因为唔知点咩好而烦恼，侍应都好好礼貌咁为佢地讲解推介最合适的食物，而没有因价钱而去Sale，呢样野真系好值得讃!!! 而环境，店内的装潢以中国古代做主题，我本人超like呢种感觉，就连台上的所有餐具都有梅花的装饰，感觉真系好靓!!! 讲返食物，我逐样讲啦： 素汤翅（唔记得左名）1窝 --- 其实呢窝翅感觉平平无奇，可能对食肉兽嚟讲味道偏淡，但我同家人就觉得味道刚刚好，不过不失啦! 葡汁焗薯仔琵琶鸭 ---- 呢味菜系我「飞佛」之一!! 佢D薯仔先走油，再将所有材料放埋一齐再拎去焗，咁样做薯仔焗完之后就唔会冧晒，夹都夹唔起，睇得出大厨有用心研究过，而「琵琶鸭」就用厚
我们点了个四人套餐，分别有六道菜：素汤翅（唔记得左名）1窝、葡汁焗薯仔琵琶鸭、脆皮乳猪（例）、蟹肉芙蓉蛋时菜、炒饭（唔记得左名）、腰果西芹炒花枝片。
先讲服务态度，一入去就有人主动招呼我地，一坐底睇MENU果阵就决定要点套餐，因为真系抵食。当我地等紧上菜的期间，隔离台的两位客人因为唔知点咩好而烦恼，侍应都好好礼貌咁为佢地讲解推介最合适的食物，而没有因价钱而去Sale，呢样野真系好值得讃!!!
而环境，店内的装潢以中国古代做主题，我本人超like呢种感觉，就连台上的所有餐具都有梅花的装饰，感觉真系好靓!!!
讲返食物，我逐样讲啦：
素汤翅（唔记得左名）1窝 --- 其实呢窝翅感觉平平无奇，可能对食肉兽嚟讲味道偏淡，但我同家人就觉得味道刚刚好，不过不失啦!
葡汁焗薯仔琵琶鸭 ---- 呢味菜系我「飞佛」之一!! 佢D薯仔先走油，再将所有材料放埋一齐再拎去焗，咁样做薯仔焗完之后就唔会冧晒，夹都夹唔起，睇得出大厨有用心研究过，而「琵琶鸭」就用厚身多层的腐皮代替，厨师应该做过加工，食落有食肉的质感。
脆皮乳猪（例）----- 呢味系我同家人一致应为最值得推介的，虽然都系用腐皮，但上台前有用火枪将外皮烧至脆身，配埋酱汁入口直头觉得系乳猪而唔系素食!! 呢个我个人俾十个Like!!!!
另外三样都系不过不失的菜式。
虽然如此，大家如果有食开素的都知道，素食馆的所谓肉，都不外乎腐皮、素肉这些，但来过「大力」之后，我才知道原来煮素都可以用煮肉的技巧同方法去做，味道一样惹味、出色，并不逊于肉食。
张贴