影片
更多
2023-01-09
1052 浏览
今日专登揾咗间餐厅庆祝我哋嘅结婚周年，呢一间位于尖沙咀嘅楼上舖头，景观开阳， 必食铁板烧。前菜系一个开胃嘅沙律，有新鲜嘅沙律菜，厚厚嘅蟹柳，仲有有小旧芝士三文鱼。之后饮左碗花胶鲷鱼浓汤，呢个属于餐厅嘅新品之作，原片花胶放在碗底，鱼味极极浓。海鲜方面有中南非鲍鱼配蟹黄面豉汁，鲍鱼超大只，食落爽口弹牙，一啲腥味都冇，仲有一片爽脆的黄瓜伴碟。另一道银鳕鱼配蕃茄干都好好食，银鳕鱼煎得刚刚好，唔会煎得太熟影响鱼的质感，而且鱼片更煎得香脆可口。最后更加有北海道帆立贝配柠檬味噌酱，带子好爽口新鲜，上面放有新鲜鱼子。师傅用咗自家制嘅柠檬味噌酱，味道酸酸甜甜，超级开胃。主食肉类有美国西冷，首先食薄切牛，厨师将切得薄薄的牛肉烧到五成熟，我个人感觉岩岩好，唔会太熟，肉质非常鲜嫩。餐厅特别之处，牛肉包住牛蒡同昆布，再点埋Wasabi，几样野加埋十分之夹。 之后再食厚切，师傅将肉同根位分开，肉位烧五成熟，肉质斩林唔韧，点上岩盐更加带出牛味。另外师傅更加爆香牛嘅根位，方便食客送上啤酒和其他酒类，非常贴心。当然唔少得樱花虾高菜渍炒饭，炒饭唔会太油，好干身，配上粒粒葱同樱花虾，最后再放上一只半熟荷包蛋，特色得来亦不失
前菜系一个开胃嘅沙律，有新鲜嘅沙律菜，厚厚嘅蟹柳，仲有有小旧芝士三文鱼。
之后饮左碗花胶鲷鱼浓汤，呢个属于餐厅嘅新品之作，原片花胶放在碗底，鱼味极极浓。
海鲜方面有中南非鲍鱼配蟹黄面豉汁，鲍鱼超大只，食落爽口弹牙，一啲腥味都冇，仲有一片爽脆的黄瓜伴碟。另一道银鳕鱼配蕃茄干都好好食，银鳕鱼煎得刚刚好，唔会煎得太熟影响鱼的质感，而且鱼片更煎得香脆可口。最后更加有北海道帆立贝配柠檬味噌酱，带子好爽口新鲜，上面放有新鲜鱼子。师傅用咗自家制嘅柠檬味噌酱，味道酸酸甜甜，超级开胃。
主食肉类有美国西冷，首先食薄切牛，厨师将切得薄薄的牛肉烧到五成熟，我个人感觉岩岩好，唔会太熟，肉质非常鲜嫩。餐厅特别之处，牛肉包住牛蒡同昆布，再点埋Wasabi，几样野加埋十分之夹。 之后再食厚切，师傅将肉同根位分开，肉位烧五成熟，肉质斩林唔韧，点上岩盐更加带出牛味。另外师傅更加爆香牛嘅根位，方便食客送上啤酒和其他酒类，非常贴心。
当然唔少得樱花虾高菜渍炒饭，炒饭唔会太油，好干身，配上粒粒葱同樱花虾，最后再放上一只半熟荷包蛋，特色得来亦不失传统风味。
食咗咁多海鲜，同埋肉类，梗系要食返啲菜中和下啦。师傅的炒杂菜以芽菜作主菜，配上椰菜丝同红萝卜丝，香味可口。
最后嚟多个甜品做个完美收尾，焦糖香蕉配奶冻。奶冻系师傅自己亲手整嘅，职员提醒要食咗奶冻先之后先至食香蕉，咁样香蕉嘅甜味就唔会盖过奶冻。
张贴
