太郎居酒屋

营业中

休息中

今日系尖沙咀附近闲逛，食饭时间就黎到呢间太郎居酒屋。餐厅环境唔错，典型居酒屋格局。我地先叫左一个刺身盛合，入面有池鱼、油甘鱼、剑鱼腩、三文鱼、虾同海胆。刺身本身好鲜味，而且切得好厚身，剑鱼腩同油甘鱼食落质感好好，而且充满鱼油香味，另外海胆好鲜甜，而且份量好足，夹埋紫菜一齐食就最正。之后我地叫左海胆卷，大大旧卷物再配埋一大旧海胆，海胆既鲜味加上卷物真系一流既享受。最后上枱既系寿喜烧，食完刺身再食番D热野真系好舒服。寿喜烧好足料，蔬菜、牛肉、豆腐，配埋唔会太浓味既汤底，再点一点蛋汁黎食真系一流，可以话系最好既结尾。最后一赞餐厅今次佢安排左一个比较静既位比我地，有屏风分隔开，最适合想一路食野想一路静静地倾计既朋友仔。