釜之魂釜飯專門店 (淘大商場) (已結業)

系九龙湾放工后，朋友约左我去淘大食饭，我地想食日本野，见到哩间餐厅人头涌涌, 餐牌上都有岩食既野，一于等下位先，大概等左15分钟左右既时间终于安排到坐位比我地入去，我同朋友预先系出面巳经睇好食咩，所以可以即刻叫店员落单，叫左两串盐烧牛舌，一个鳗鱼饭同一碗猪软骨稻庭乌冬，我地加$18蚊升级埋套餐，除左配埋饮品仲有个餐前小食同面豉汤。今晚小食系青瓜鳗鱼粒，酸酸地，作为餐前小食好开胃。面豉汤同传统的唔同，餐厅加入左萝卜、洋葱片同海带一起煮，令口感多元化。烧牛舌厚身，烧到软软地食落味道唔错。猪软骨稻庭乌冬既猪软骨够哂琳身，乌冬本身薄同幼身，食落弹牙滑溜。期待既金魂鳗鱼上枱，香气四溢，鳗鱼甜美ok,下面既饭好多，我用碗仔同朋友share食都毕到起码三碗饭出黎，食完太饱，我地就叫个焦糖波萝解解腻，波萝烧过仲保留到好多汁，外层有层薄薄的焦糖，脆口、甜美，为这餐饭划上美味的句号。