糖朝 (已結業)

一路系广东道好耐既糖朝原来搬左舖，去到旧舖见到个姐姐举牌先知! 如果唔识路可以问佢地，因为都系佢好详细咁话比我知点行，先好快揾到新舖个位，不过唔太远同难揾!今次黎新舖，见到本Menu都唔同左，加左d西点、汤、奶酪同咖啡饮品，连海鲜都有!因为屋企人咩都想食，结果点心、粥、小菜、糖水乜都叫，食到个肚饱哂先走人!呢个系新产品，之前好似无! 个面食落去有少少菠菜汁咁味，入面有爽口虾肉，算得上皮薄多汁，值得一食!入面可以见到好大粒虾肉，用料好足，而且炸得几松脆唔太干，但唯一系个底纸食完好多油，可能吸一吸油先上碟会好D，搞到食完有少少罪恶感不过不失，无咩特别，不过再辣少少会好味D，再更加惹味呢碟𩠌系藉得一赞，因为佢比出面个D酒楼食既感觉好唔同，士多啤梨又大粒又甜，食落去好新鲜同健康，配左啱啱炸出黎既肉骨，仲食到脆，而且都几多肉，唔系净系骨!正!!用瑶柱粥做底，再好似打边炉咁慢慢放D料入去，粥底食到最后真系好鲜甜，而且个D料啱啱熟就即食，好滑唔会老。呢个食法几特别，出面既食肆好似未见过，钟意食粥既朋友一定要试下!不过D粥有好多碗，要多D人食先食得哂!!到糖朝点会唔食甜品，呢款甜品好多料，再加埋豆腐花