Honey Creme (已結業)

我地3個女仔真係好中意食雪糕，因為前排HONEY CREME做團購，所以就試啦。記得呢一日係好凍好凍的，我地三個著住褸帶住頸巾都黎呢到食。真係痴線到呢我地叫左三樣野，1－Organic Cotton Candy、2- MOCHA RED BEAN抹茶控的友人一定會食呢個、3-朱古力牛奶雪糕（應該冇記錯）我果個棉花糖雪糕，淡淡既牛奶味，唔太重牛奶，但有D咸咸地的，我覺得都幾好啊。面上既棉花糖好正，可能真係獨耐都冇食呢D啦。朋友的綠茶紅豆都OK啦，佢話都有綠茶味，係D罐頭紅豆甜左D，不過都冇辦法了，用罐頭野通常都係咁的。都係咁甜的。抹茶控既佢話綠茶雪糕都OK夠味，但中意食重綠茶苦味既就唔建議試了最後果個朱古力味既雪糕就不過不失，都係果個雪糕加朱古力。以呢個價錢真係好抵既。