聚來車仔麵

营业中

休息中

不嬲都中意食下小店，经常都会去食下车仔面😌 整得好味同干净嘅车仔面店其实唔多，呢间我会想再去。必食双拼煎饺 ($42/8只)叫左韭菜饺同埋椰菜饺，只只都好足料，外面煎得好香脆又唔会㶶，里面系仲有肉汁，所以食嘅时候要小心肉汁飞出嚟，好好味🤣下次想试埋佢新嘅芝士粟米饺子。嚟到车仔面店，一定要试佢嘅车仔面啦，叫咗牛腩、牛柏叶、墨鱼丸同埋咖喱鱼蛋嘅河粉，配埋腩汁同埋秘制辣汁，钟意食辣一定要试吓佢嘅辣汁。 ($55)除咗车仔面啲𩠌之外，佢都有一啲小食，今次就叫咗秘制辣鱿鱼🦑 ($38)，几爽几弹牙，而且个秘制汁个味几好，辣得几过瘾。爆浆阿华田西多士配朱古力榛子酱($37)睇咗好多食评都话要试呢个，真系冇叫错。邪恶得来真系好好味，好有满足感，唔会系超甜，但系有啖啖都系酱，好正😋但相信要做返D运动先可以消化到佢🤣最后想赞一赞啲店员，全部都好Nice，会特登问我哋西多士系咪食到差唔多先上，我哋冇叫嘢饮，又会主动俾两杯暖水我哋，见我哋拎住个袋，仲特登比四人枱我哋两个人坐🥹开心🥳。