影片
更多
2024-08-09
4360 浏览
🍜人气拉面店排队一小时！港日夫妇主理 人气拉面小店排队攻略 鲭节猪骨白汤拉面🍜之前呢间小店开业时已经有留意到，可惜拖延症嘅我迟迟都未去，到了而家已经成为超人气热门拉面店之一，好多人去到以前有人龙就照排队，无留意到店家嘅运作，所以变咗白等，想食就要留意以下攻略🍜店舖会由6:00 开始派筹，睇报道每日限量提供200 碗卖晒就无，如果唔想等要6:00 前达阵就可以第一批进店，其他入唔到嘅需要入店按人数攞筹号先可以排队，如果单人嘅话会快少少，大约30 分钟就可以就坐，今日6:10 到达前已有大约十个人攞咗筹号，喺出面大热天时等咗一小时就可以进店，筹号每日大约6:30-7:00 就会派完，记得唔好人排你又排，已经眼见有好多人就咁排，无攞筹就无得食，时间又浪费咗，嘈都无用🍜 鲭节猪骨白汤拉面 $107鲭鱼系主角，摆盘感觉好靓，味道带有烤鱼的香气带酸味，汤底猪骨饮落顺滑感觉，豚骨鱼介香味平均，唔会太浓无痴立立嘅感觉，面条用了细面几有爽弹感，其他仲有拉面荀，海带，大葱丝，拉面蛋软滑口感，汤底觉得几啱香港人口味，会系想饮晒佢嘅唔会太溜🍜甘海老拉面 $98半碗都系超靓红色嘅樱花虾，汤底本身已经有虾味，几重
🍜之前呢间小店开业时已经有留意到，可惜拖延症嘅我迟迟都未去，到了而家已经成为超人气热门拉面店之一，好多人去到以前有人龙就照排队，无留意到店家嘅运作，所以变咗白等，想食就要留意以下攻略
🍜店舖会由6:00 开始派筹，睇报道每日限量提供200 碗卖晒就无，如果唔想等要6:00 前达阵就可以第一批进店，其他入唔到嘅需要入店按人数攞筹号先可以排队，如果单人嘅话会快少少，大约30 分钟就可以就坐，今日6:10 到达前已有大约十个人攞咗筹号，喺出面大热天时等咗一小时就可以进店，筹号每日大约6:30-7:00 就会派完，记得唔好人排你又排，已经眼见有好多人就咁排，无攞筹就无得食，时间又浪费咗，嘈都无用
🍜 鲭节猪骨白汤拉面 $107
鲭鱼系主角，摆盘感觉好靓，味道带有烤鱼的香气带酸味，汤底猪骨饮落顺滑感觉，豚骨鱼介香味平均，唔会太浓无痴立立嘅感觉，面条用了细面几有爽弹感，其他仲有拉面荀，海带，大葱丝，拉面蛋软滑口感，汤底觉得几啱香港人口味，会系想饮晒佢嘅唔会太溜
🍜甘海老拉面 $98
半碗都系超靓红色嘅樱花虾，汤底本身已经有虾味，几重虾味，加上呢只樱花虾更甜，配料同其他一样，之前睇网上面影片内有两只虾，今日食就无，来到时有少少失望
🍜整体都算唔错嘅拉面，汤底饮落舒服自然，唔会太溜，面条份量感觉女仔食刚刚好，男士们可能要加饭或替玉先会够满足，虾拉面无虾肉只有樱花虾会有少失望，但虾汤好鲜甜浓味，
🍜虽然两夫妇有热诚，拉面觉得唔错。但唔会想再排多一次嘅拉面，外墙有手写需要攞筹号先可以排队，无留意到嘅客人会有小混乱，今次坐门口会不断有人进出询问攞筹，就算派完门口亦唔会贴告示，会因太多人推门出入感觉唔多舒服，如果想食嘅朋友一定要注意，请早点去攞筹先可以排队入坐
📍 面山口商店 (油麻地)
油麻地庙街56-58号地舖
张贴
