居食屋「和民」 (1亞太中心) (已結業)

难得假期嘅中午时段，餐厅居然人流不多，亦不设用餐时间，我同揾食达人当然系慢慢试，慢慢尝味啦！两个人叫咗个抵食套餐，二百几蚊，有锅物有饭有小食有前菜有沙律有饮品等等等等，认真抵食。 跟餐必有嘅三文鱼Carpaccio、凯萨沙律及菇菌渍物，味道中规中矩，不算好特别。小食选咗黑椒糖渍鸡翼，口感香脆但带有少许甜味，不俗。主食叫咗个好似Pepper Lunch嘅黑椒粟米牛肉饭，石头锅嘅卖相炮制出令人流晒口水嘅饭焦，软硬有致，而且黑椒味道浓郁，味道丰富。最后我嘅主角鸡肉锅物伴以gas炉出场。锅物配料不多，只有几件鸡肉、粟米鸡软骨丸子、豆腐及蔬菜，但十下十下嘅感觉的确几好，边食边倾计最开心。