御前上茶 (已結業)

呢间御前上茶终于都开了，梗系即刻去试下啦！刚刚好有张2人枱，唔驶等位，真系太好了。睇左个餐牌好耐，最终决定食御前双色盛合&御前双色蕨饼，可以一次试晒抹茶同焙茶的味道。 Wow，呢个就系御前双色盛合，卖相已经值得一赞，好有日本风味，用木制的器皿放满抹茶焙茶扭纹雪糕，粒粒饱满的红豆，白雪雪的小丸子同抹茶冻。而下面放左啲干冰，令到个甜品keep住冻。抹茶焙茶扭纹雪糕好香茶味，而且好滑，味道又唔苦涩。红豆大而腍，好香甜，而小丸子就软糯烟韧但抹茶冻就好浓抹茶味而且好爽口！四者混埋一齐食，口感同味道都好丰富，值得一试！ 而另一款甜品系御前双色蕨饼，蕨饼好烟韧软糯，面头黏满抹茶粉同焙茶粉两种口味，而且点上抹茶酱同焙茶酱黎食。抹茶蕨饼点抹茶酱，就更浓更香抹茶味，而点焙茶酱，抹茶味依然香浓，但会甜啲。焙茶蕨饼点抹茶酱，就令到蕨饼没咁甜，而且添上一阵抹茶香，但点焙茶酱就好香甜。今日可以食到呢间的甜品真的好开心！