一樓咖啡室 (已結業)

近排放假同屋企人出铜锣湾玩，经朋友推介一楼咖啡室, 所以就难得尽兴下, 过个开心假期。等左一阵就有位, 入到去就见到好靓O既夜景, 仲系被安排坐系窗边, 可以一边食自助餐, 一边睇夜景, 个聚餐立即变得好梦幻。讲到食物方面, 首先, 呢度有好多唔同O既海鲜选择, 鱼虾蟹之外, 仲有翡翠螺同生蚝, 样样都又大又弹牙, 对于独爱食海鲜O既人系一大福音。而最吸引我O既就系个冬阴功大虾, 有成只手掌咁大, 可以做到啖啖肉, 食得好畅快。最估唔到O既系, 冬阴功个味同虾肉相当夹, 香辣之余仲带到虾肉O既鲜味出黎。除此之外, 呢度仲有好多唔同类型O既熟食拣, 中菜, 日本菜以至印度菜都有得食。最贴心O既就系中菜方面, 例如蟹粥, 可以拣一D细O既容器, 就唔洗一次食一大煲, 仲有胃口试其他美食。另外, 隔离可以拣到平时自助餐唔多见O既乳猪, 外脆内嫩, 虽然好快就会畀人抢哂, 但系好在酒店方面会好快就会烤一只出黎, 一黎唔会得个望字, 仲可以食到新鲜烤出黎O既乳猪。至于甜品方面, 就真系琳瑯满目, 有好多款式O既甜品罗列系面前, 每样都好精致, 会令人忍唔住一试再试。传统O既有一般O既雪糕, 红豆