泰 (銅鑼灣廣場二期) (已結業)

疫情以来一直无机会外游，闷得发慌。衬长假期的开始，今日就同好友选择咗试一试这间新泰菜，当怀念下去泰国旅行之感吧！他们的餐牌上食物选择都几多，而且仲有套餐可拣，套餐内可选的亦唔错，于是我哋就拣咗一个二人套餐。冬阴功海鲜汤酸辣味道适中，唔会死咸，而且非常足料，有大虾有青口，好饮。酸辣凤爪沙律凤爪每一只都大大只亦好爽口，酸辣调味都系刚刚好，配合青瓜丝一齐食，感觉清爽开胃。黄咖喱鸡佢同一般咖喱有啲唔同，并唔系外边被咖喱汁完全淹没个种，佢有少少似「捞面」式嘅咖喱，比较特别，味道都不错。泰式炒杂菜味道正常，而且带有少少咸鲜味。泰式鲜虾炒金边粉非常有水准嘅一个金边粉，虾够大只，而且非常惹味。不过唔食得辣嘅朋友可能要提一提小辣或者将辣粉分开上。套餐加一后两人一共四百零蚊，而食物质素亦好，下次再谂起泰国时，一定再返嚟帮衬。