雄記

营业中

休息中

今日去咗同朋友三个人一齐食一间小店，位置有少少偏僻。店面非常清洁干净，座位唔多，得三四张枱。老板一个人做晒楼面同厨房。首先我哋叫咗两个汤试吓，第一个，系南瓜汤。南瓜汤非常浓郁，感觉到非常足料。跟住系洋葱汤，我自己本身麻麻哋饮洋葱汤，不过试咗一啖都觉得非常之甜，如果钟意食洋葱嘅朋友应该会觉得几正。跟住叫咗两个牛角包，牛角包系老板自己整，非常酥脆，好香牛油味，非常推介。然后我哋叫咗一块牛扒，提提大家，牛扒要预先订，去餐厅之前同老板讲声就得，因为老板话要攞定出嚟解冻，有客人订先会准备，睇得出老板对食材准备非常有要求。因为朋友唔系好食得生，我哋叫咗medium，火候啱啱好，牛味非常重。我哋叫咗一个意大利饭同一个意粉。红酒烩牛肉意大利饭煮得啱啱好，唔会过硬，牛肉煮得好琳同唔好入味，分量亦非常多。明太子海鲜手打意大利面，意粉系老板自己整，同现成买嘅意粉口感非常唔同，明太子味道浓郁，虾亦都好新鲜。最后叫咗一个Tiramisu，本身自己唔太钟意食甜野，但系都觉得几好食，质感好棉滑，有香嘅酒味。