鬼金棒

营业中

休息中

星期五晚又系周围揾好野食嘅Best timing，今次同朋友拣左呢间日式拉面店鬼金棒，听个名都feel到会系重口味嘅拉面。我地一行二人，好快就揾到座位，店内环境同一般拉面店差唔多，都系长长窄窄咁，个子高大嘅朋友或者会坐得无咁舒服；另外，有一点令我失望嘅系：店内无篮子提供，我地嘅随身物品又唔可以放喺自己张凳(无凳pan)同隔离凳(有其他食客)，所以只可以放落地下，成件事都几污糟......如果佢可以参考其他食店咁：要人搭枱嘅同时亦能够提供足够嘅储物空间俾食客，咁客人嘅感观一定好好多，唔使食得咁辛苦。食物方面，我嗌左一份味玉辣麻味噌拉面，拉面无得拣软硬度，份量充足，叉烧够入味；配菜有温泉蛋(味玉)、玉米笋、豆芽菜等等。整体嚟讲，汤底偏油偏咸，麻味已经拣左中麻但略感不足，可能俾辣味遮盖左；最令人惊喜嘅系味玉，颜色鲜红，蛋味超浓郁，值得一试！缺点嚟讲：价钱偏贵($100)，外面有唔少高质拉面店都做紧两位数价钱嘅反衬之下，更显得呢间拉面店性价比低。