うまい鮨勘

营业中

休息中

见佢做任食，周年纪念谂住去试试佢，结果换嚟嘅系极差嘅体验。两个人去食咗二千几蚊，如果个体验系愉快嘅其实冇乜所谓，但呢间嘢系小家到极点。佢个任食系用QR code落单嗌，但佢set咗限制，每次只可以叫10样嘢，而鱼生系一片已经计1样，然后每叫一轮要等8分钟先可以再叫，换言之我叫十片鱼生要等8分钟先可以再叫下一轮嘅嘢。向职员反映，佢个回应竟然系「所以我哋唔建议净系嗌鱼生」。吓？依家我嚟食任食，仲要俾你「建议」我每轮嗌啲乜嘢？生意唔好做任食嚟吸客可以理解，但你做任食做到咁小家又肉酸，仲搞臭自己个朵，不如索性唔好做啦。