泗益

营业中

休息中

曾经有朋友问过我，为咗食到美食可以去到几尽？我答，我呢就唔太钟意同人迫，亦都唔系好需要人食我食，唔会因为潮流呢走去排队，但系我会因为一啲真系好好食细心或者独特嘅食物而去食就好似泗溢，平时起身即刻要赶返工嘅我，有一日早上起身忽然好想食西多士，换好衫化好妆碌落嚟，顶！星期二，休息。灰心嘅感觉系难以言喻嘅。然而星期六日西多士供应时间系有调动，唔系你想食就有得食架。是日公众假期博一次，很可惜都系无得食。不过我就叫左佢哋嘅沙嗲牛肉公仔面。厚切嘅沙嗲牛肉，配上质地刚好不太淋不太硬嘅出前一叮，沙嗲牛肉系小时候食的那种，就系好好味𠮶只啦！汤底唔算浓如果浓多少少会更好。虽然呢度嘅奶茶的确10分出色，奶茶味香浓茶味甘香，不过呢几日有少少唔舒服所以就叫咗麦精，呢一种环境配上一支麦精都系香港地道嘅怀旧享受。如果大家没有机会食到西多士唔紧要，都可以叫呢一度嘅咖咉多，呢度嘅咖咉自家制，而且落足料。系个唔错嘅选择价钱又平啊！