一粥麵 (玉蓮臺3座)

营业中

休息中

今晚同老豆两个人食，老豆又拣左来这间，贪佢平平地，野食清清地无咩味精算系健康中式餐。此店位于屋邨范围内，眼见都有不少长者来帮衬，价钱经济算系良心企业，店内不常满客，每次到来都不用揾位好方便。冬瓜盅+鲜虾福建炒饭 ($68)冬瓜盅都几受欢迎，上星期来光顾卖晒，今次终于点到，见在场好多食客都有点。冬瓜盅睇落细细但都分到四碗汤，有少量蚝豉蟹柳虾鱼肉，汤料吊一吊味汤清清地解暑饮味道不错。福建炒饭比出面食的无咁油，但炒蛋饭底一般而已。鲜虾净云吞 ($32)原本系鲜虾云吞面可转做净云吞，云吞都有7粒仲有几条小棠菜，每粒云吞都有鲜虾肉食落都几好味，可以点埋少少潮州辣椒油更惹味。