糙米家 (已結業)

次次食完米线先记得呢间野既存在之前已经想去食, 无奈话星期三休息，好彩上星期再行过已经无再休息，于是再去食过，睇个价钱好似贵左少少，但系其实系好食野，而且好健康~初时怕唔够食，所以叫多左个烟三文鱼蟹籽沙律，个沙律好RICH, 系因为佢仲加多左少少蛋沙律酱，加埋佢个麻酱同生菜，食到「索索」声，仲有好多粟米粒、青瓜、红萝卜丝同蕃茄仔~不过主菜就失色左少少，蕃茄蔬菜长通粉其实唔错，不过个蕃茄汁略酸左少少，初初食都几FRESH, 不过食到一半个汁就开始觉得太酸，要食其他野平衡返个。而D蔬菜粒切得太细粒，食左都唔系好觉眼，反而下面个茄酱猪扒糙米饭唔错，个汁又唔系好酸，而糙米就系3色米黎既, 唔硬身好易入口，猪扒又够淋，不过系配菜普通左D, 不过份量都几多, 其实2个人食一个主菜都够晒~~另外一定要试牛蒡茶，加左龙眼肉杞子，甜甜地饮落口好舒服。