靚湯水餃 (已結業)

前几日食得太多肥腻野，今日想食番清淡啲。醒起屋企附近有间专食无味精嘅汤饺，所以就去试下。去到已经系下午茶时间，叫左鲜肉韮菜饺配米线，仲有豆浆送，都系$25，好抵！啲汤隔日就转一次，今日就系花胶猪骨鸡汤，大碗之余饮落真系无乜味精，而米线就系另上，唔会浸到"淋"哂。有员工喺铺头一角密密包饺子，所以都几新鲜，每粒都好饱满，唔错唔错！而自家制嘅菜脯辣酱都几惹味，有蒜头同豆豉爆炒过，好香，仲要无限添，我都食左好多。总之呢餐就系平靓正！