Pickabowl (荃新天地2)

营业中

休息中

近年流行又有营养又健康嘅美式鱼生盖饭poke bowl🍚 呢日就嚟咗呢间poke bowl 专门店食晚饭😎Poke bowl有好多食材嘅选择 食材包括高蛋白质嘅食物 蔬果 同饭底😉 如果你同我一样有选择困难症嘅话 就可以拣餐厅预设好嘅配搭喇😝夏威夷四重奏呢个真系够晒色彩缤纷 蛋白质方面有辣味三文鱼 经典吞拿鱼 泰式熟虾同牛油果 搭配彩虹配菜 即系有番茄 青瓜 甜椒配自家制酱油 再拣咗白饭做base😙 呢个味道好丰富 因为唔同嘅蛋白质配菜本身一种调味☺️ 加州三文鱼呢个𩠌嘅份量好多 有蛋黄酱同蟹籽捞埋三文鱼🍣 呢个预先设计咗系配蛋黄配菜 当中包括菠萝 青瓜 蟹籽配蛋黄酱🍍 饭底我地拣咗黄姜椰菜花同埋半糙米饭 觉得呢个好特别啊 成日听人讲碎咗嘅椰菜花口感好似饭 呢次系我第一次食椰菜花饭 真系几可乱真🥦 另外𠮶一半嘅糙米饭其实唔会太硬 都几易入口 呢一个饭整体味道比较统一 因为主要都系蛋黄酱嘅味道为主🥰加配套餐包括有鲣鱼昆布汤 温泉蛋同甜品 今日嘅甜品系绿茶蕨饼🍵 味道唔会太甜 鲣鱼昆布汤 都几鲜味 入面仲有豆腐粒粒同昆布 而温泉蛋方面 半生熟无论捞饭定就咁食都一流😺饮品零系可乐同忌廉沟鲜奶