Fairy Tale Cafe (已結業)

有冇谂过原来做完健身系可以去食健康餐？冇听过？今日我就参加左ATUM嘅yin yoga，从来未学过正式瑜伽嘅我第一次参加都唔会觉得好难，只系觉得拉筋有啲吃力，有啲筋位唔系好拉到，平时又唔会特登去做伸展，不过好好彩导师好好人，佢会因应我哋嘅个人能力去决定我哋应该做不同动作嘅难度。大概1小时之后上完堂，就去返呢度嘅更衣室更衣，里面都好干净整洁。上完堂之后行过几个铺位就去到Fairy Tale食健康餐，其实呢间餐厅好耐之前我有来过，曾经亦都有好多媒体推介过。有唔同嘅健康餐可以选择我就拣咗慢煮和牛水耕菜沙律同埋糙米饭。全部嘅纤维素都好高。个饭盒真系特别精致，虽然等左好一段时间但系冇令我失望！糙米饭上面加上五谷粉食落去特别有口感好香又有麦味，溏心蛋咸咸地流晒汁，加埋时菜一流呀。慢煮黄牛口感很软熟，水耕菜特别大块，证明是有机的，加上黑醋汁倍感新鲜。