菓一道健康餐廳 (已搬遷) 新店位置

平时中午好多人，今次夜晚8点到餐厅，竟然冇乜人，有三分二都系吉位，二个人可以宽敞的卡位。是日晚餐有四个选择，不过唔岩食，叫左餐牌的野，其实都可以加廿蚊转餐，有餐包、餐汤、指定饮品（蜂蜜绿茶／黑豆浆...）、甜品（是日甜品：薏米绿豆／果冻）我叫左个带子番茄天使面跟餐。餐包：黑芝麻包仲好热皮脆，有好香芝麻味，good！餐汤：南瓜忌廉汤质感不结不稀，味道不浓不淡，吃得出应该没有加味精，好饮！主菜：带子番茄天使面都几大碟，有四粒带子，带子上面有d鱼子，有d日式，有好多蔬菜，而且都好多番茄汁，不过我覚得今日个汁好似咸左少少，一路食一路覚好渴，饮左好多水，另外我覚得天使面太多，我今日好肚饿都食唔哂。甜品：果冻个质感好似胶胶的大菜糕，有d怪，味道也好似不太新鲜，果味欠奉，入面有三粒椰果，但感觉好似番雪左好耐，质感同味道都变左。我朋友食左一小囗已经唔食，不过我费事浪费食物都食哂。