影片
更多
2018-04-22
95 浏览
上堂前到附近打算買點輕食方便進食，途經呢間漢堡包店，見到都幾多人排隊，就試下啦～呢間漢堡包店叫veggi moster, 其實睇個名都知係一間素食店～其實小妹一直都好少食素食，不過偶爾食下其實都幾好，可以清空一下腸胃，人都健康D。呢到嘅素漢堡口味配撘都幾有創意，總共有6款選擇，價錢$48-$68，黑袍巨人同淮山雪人最吸引到我的目光，因為前者係黑松露口味，後者則是白松露口味，另外仲有片皮鴨口味都好特別！既然係第一次試當然就要食招牌漢堡；黑袍巨人$68。除了漢堡外，呢到仲有三文治，通粉，沙律，薯條等等。是日沙律的選擇一共有10款之多雖然個包仲係個袋度，不過隔住個袋都聞得到香噴噴的芝士味，素芝士聞落去的味道同普通嘅冇乜分別。黑漆漆的包，好eye catching，而且好有份量，個包脹卜卜，充滿空氣感，食落軟綿綿。包入面的材料非常豐富，有大啡菇，蕃茄，素芝士和羽衣甘藍，而塊素扒就係用左黑豆，藜麥同黑松露制成～素扒食落的口感同味道有D似薯容加左荳容甘，豆味唔算濃，反而每啖都可以食到好香的黑松露味。妃子桃膠羹 (加$18)呢到竟然會有桃膠賣，識食當然一定要食返杯～因為桃膠含有非常豐富的植物性膠原蛋
呢間漢堡包店叫veggi moster, 其實睇個名都知係一間素食店～
其實小妹一直都好少食素食，不過偶爾食下其實都幾好，可以清空一下腸胃，人都健康D。
呢到嘅素漢堡口味配撘都幾有創意，總共有6款選擇，價錢$48-$68，黑袍巨人同淮山雪人最吸引到我的目光，因為前者係黑松露口味，後者則是白松露口味，另外仲有片皮鴨口味都好特別！
既然係第一次試當然就要食招牌漢堡；黑袍巨人$68。
除了漢堡外，呢到仲有三文治，通粉，沙律，薯條等等。
是日沙律的選擇一共有10款之多
雖然個包仲係個袋度，不過隔住個袋都聞得到香噴噴的芝士味，素芝士聞落去的味道同普通嘅冇乜分別。
黑漆漆的包，好eye catching，而且好有份量，個包脹卜卜，充滿空氣感，食落軟綿綿。
包入面的材料非常豐富，有大啡菇，蕃茄，素芝士和羽衣甘藍，而塊素扒就係用左黑豆，藜麥同黑松露制成～
素扒食落的口感同味道有D似薯容加左荳容甘，豆味唔算濃，反而每啖都可以食到好香的黑松露味。
妃子桃膠羹 (加$18)
呢到竟然會有桃膠賣，識食當然一定要食返杯～因為桃膠含有非常豐富的植物性膠原蛋白，係美容界可謂有非常高的療效，功效可以媲美燕窩、花膠等。
而家加餐只需加$18，大大杯。
桃膠的口感略為似蒟蒻，質感較有彈性同有少少煙韌。味道少少甜，加埋妃子一齊食，非常滋補養顏。
呢個大杯茶其實係發酵茶（$40），發酵茶的特性係含有益生菌和酵素，可以幫助腸胃消化。
不過因為香港唔多地方有得買，今次小妹都係第一次試～
今次揀左Jasmin 味，飲落有氣帶d微酸，味道幾特別，唔似平時飲開的茉莉花味甘～
张贴
