愛家素食 (淘大商場) (已結業)

9月19日, 夜晚由将军澳出番黎九龙湾~ 听闻喺淘大有间几特别嘅素食店, 果然好多人食~ 整间店舖都好快餐店feel, 排队买飞再去攞食物, 连位都要自己揾, 但系舖面颇细令到好迫夹, 好彩我地等咗一阵就有位喇~::: 叉烧豆腐扒饭 + 冻柠茶::: $36 + $4叉烧做到味道真系好似真咁! 有蜜汁嘅味道, 虽然真系冇乜烧过, 但系表面都有少少㶶~ 豆腐扒系煎过黎, 感觉非常清淡, 不过煎咗亦带番出少少甘香味~ 除咗叉烧同豆腐之外, 底下仲有大量蔬菜, 有翠玉瓜, 萝卜咁~ 完全唔似快餐wor, 真系好似啱啱新鲜炒出黎, 配上健康嘅五色糙米饭, 整餐都十分健康~ 加$4就有冻柠茶, 十分超值~::: 奇妙酱三丝冷面 + 南瓜汤::: $34要先赞南瓜汤十分香浓! 啖啖都系南瓜茸, 甜味自然无添加, 感觉良好!三丝冷面主要有青瓜, 萝卜同芽菜 , 全部材料都切成幼丝, 睇得出系用心处理过~ 另外仲有少少海带同芝麻作点缀. 冷面酱清新带麻油香, 浓杰适中又唔会过腻. 面条够冻而且柔软, 份量亦颇多~ 虽然好斋但系好好味~ 而且好饱肚!可能比较少食素, 感觉呢间食物款式多又用心, 味道都好