唇茶 (渣甸街) (已結業)

呢間唇茶同普通珍珠奶茶店好唔一樣，佢地主打健康飲品，就算加糖都係韓國蔗糖，而且佢地主打配料係有養顏功效既桃膠，女仔聽到都一定心心眼啦，飲所謂廢水居然可以順便養顏哈哈。而呢度既茶底多數有唔同既水果烏龍茶或者荔枝紅茶等水果茶組成，配合唔同養生配料例如係紅棗杞子，或者係唔同既水果例如係蘋果，菠蘿或者係唔同種類既花茶，例如係薰衣草，茉莉花，總之聽落都係又唯美又有養顏功效，真係好難抗拒哈哈🥰🥰🥰女仔Period時候飲一杯熱既大紀圓都會舒服好多😗不過我最愛都係花開富貴哈哈♥️♥️