好茶養生 (MOKO新世紀廣場) (已結業)

好茶养生系一间主打养生同健康嘅茶饮店，唔似大路嘅台式手摇茶饮店，佢地主要卖唔同嘅花茶同水果茶，另外亦有卖多款茶味雪糕同蛋糕。同同事喺Moko食完lunch，想外卖杯野饮返office饮，饮得珍奶多又怕肥，见好茶养生好似比较健康啲，就黎试下。士多啤梨茶($36) - 哩度嘅茶都比较大杯，冻饮都有700ml。同事拣嘅士多啤梨茶拣左少冰半糖，见倒真系得几旧冰，饮落亦只系凉凉地唔会有冻嘅感觉，就算而家天气冻饮完都唔会好寒咁。半糖饮落冇乜甜味，以士多啤梨原味为主，茶味亦唔会太涩，感觉几健康。水果茶($38) - 我拣嘅水果茶要少冰少甜，比起头先嘅半糖会多返少少甜味，但又唔会太甜，水果茶入面有菠萝、火龙果、柠檬同青柠，酸酸甜甜味道都唔错。玫瑰荔枝慕丝($48) - 同款味道嘅蛋糕有得拣心形或者玫瑰花形，两款都明显好得女士欢心。慕丝蛋糕好软绵，唔会太甜食得淡淡荔样同玫瑰味，唔会好假好药水。野莓忌廉朱古力泡芙($42) - 泡芙好松软，朱古力味亦好浓。总结，茶饮价钱正路，sell健康就算平时想过下口瘾饮多杯都唔怕，都有一定吸引力，反而蛋糕就比同价位嘅蛋糕店细件少少，冇野饮咁吸引。