Royal Delights (已結業)

上次已经推荐过帝京新饼店Royal delights，食过翻寻味，今次试下买一个蛋糕试下。喺鬼马蛋糕，新promotion 爱丽丝梦游仙境系列同主打健康嘅蛋糕之间，我当然选择咗后者。纯素红桑子朱古力挞  ($380)，睇个样完全估唔到唔算太甜而且又好食，师傅用上米粉代替面粉，你以为蛋糕一定有好多牛奶同鸡蛋之类的肥仔食材，错了。其他食材如无糖朱古力，以果胶制成嘅浓郁红桑子果蓉、有机无糖豆乳忌廉、仲有冇杏仁奶造嘅奶油巧克力酱，听阵容已经知完全唔系平时𠮶回事。呢个蛋糕亦都无任何麸质及添加糖分，基本上一定食得健康，就算食成个都无罪恶感，质感同平时食嘅蛋糕又真系唔大分别，喺而家识得越嚟越健康嘅潮流下，呢个绝对下次系庆祝生日嘅选择。