Outback Steakhouse (銅鑼灣廣場一期)

营业中

休息中

今日放工出咗嚟铜锣湾买嘢，见时间都比较夜又行到攰，就打算食埋饭先返去。可能我OUT啦，我冇几耐先知道原来铜锣湾广场依面都开咗间Outback，咁就ad hoc去攞咗张飞，饿左好一轮差唔多等左大半个钟先有位。因为见系星期五，有我最爱嘅prime rib供应，咁当然要左一份啦，例牌配鸡汁饭同埋焗sweet potato，头盘就叫咗个蟹饼试下。蟹饼睇落唔错，但食落比较多粉，都系一般，试过就算。可能我入座果阵已经比教夜，所以嚟到𠮶个时候呢佢地嘅烧牛肉已经系比较熟，应该系有medium well以上㗎啦，但我想食所以照杀啦。咁当然熟左少少，就有影响咗佢嘅软滑程度啦，但系味道都冇影响，整体来讲都冇话系好柴嘅感觉咁。鸡汁饭就系一贯标准嘅味道，最正呢就系个番薯，加埋牛油永远都冇甩拖。但唔知系咪仍住仍住，我梗系觉得系百德新街𠮶边戏院𠮶间分店好似好食啲嘅...