影片
更多
2013-12-24
7635 浏览
多年前睇完「食神」, 見到星爺表演「亨」功水上漂, 唔駛坐駁腳艇仔, 係咁易運吓內功就咁就飛咗埋去海鮮舫度, 勁... 誇張呀!!! 哈哈哈... 之後我同Honey諗住去海鮮舫朝聖, 點知... 去到沙田, 間海鮮舫唔使經水路, 係陸路就行到去嘅?!! 咦... 去錯地方啦... 嘩咔咔咔!!! 套用軟硬金句, 呢鋪真係「超低能, 勁搞笑」!!!事隔多年, 再到海鮮舫朝聖, 今次終於都冇去錯啦, 係南灣登上駁船... 無論駁船定係海鮮舫, 都係一樣咁古色古香...九龍吐珠... 好架勢堂呀!!! 海鮮舫有古代海鮮舫的壁畫...嘩!!! 龍椅呀!!! 地方都幾大, 分3層, 地下有VIP廳, 2樓同3樓加埋有4個大廳...剛到埗, 見到有外籍遊客著咗古裝扮皇帝皇后拍照, So Funny!!!豉汁蒸鳳爪 $24-- 好腍好入味, 色素過剩, 顏色有點恐怖...紫菜墨魚餅 $28-- 墨魚好新鮮, 好好味, 熱辣辣, 正呀!!!鴛鴦芝麻奶黃煎堆 $26-- 小巧精緻, 不油不膩, 奶黃餡料味道不過不失...珍寶蝦餃皇 $40-- 體型細小, 蝦肉新鮮爽脆, 味道略淡, 不過不失...蜜汁
事隔多年, 再到海鮮舫朝聖, 今次終於都冇去錯啦, 係南灣登上駁船... 無論駁船定係海鮮舫, 都係一樣咁古色古香...
九龍吐珠... 好架勢堂呀!!! 海鮮舫有古代海鮮舫的壁畫...
嘩!!! 龍椅呀!!! 地方都幾大, 分3層, 地下有VIP廳, 2樓同3樓加埋有4個大廳...
剛到埗, 見到有外籍遊客著咗古裝扮皇帝皇后拍照, So Funny!!!
豉汁蒸鳳爪 $24-- 好腍好入味, 色素過剩, 顏色有點恐怖...
紫菜墨魚餅 $28-- 墨魚好新鮮, 好好味, 熱辣辣, 正呀!!!
鴛鴦芝麻奶黃煎堆 $26-- 小巧精緻, 不油不膩, 奶黃餡料味道不過不失...
珍寶蝦餃皇 $40-- 體型細小, 蝦肉新鮮爽脆, 味道略淡, 不過不失...
蜜汁燒風鱔 $45-- 拉姑強烈推介!!! 蜜汁風鱔略燒至脆口, 蜜汁香甜, 鱔味濃, 好好味!!!
鮑汁豬仔腳 $55-- 後加項目, 敗筆之作... 腳型巨大, 不似豬仔, 膻臭強烈, 食一啖已想吐, 鮑汁味道亦怪怪的...
咁嘅格局, 仲以為整色整水呃遊客, 估唔到... 整體味道唔差, 服務亦不錯, 價錢比起東區更平, 請客一流... (當然係指外籍人士啦)张贴
