慵懶生物

营业中

休息中

整整一个2月都冇见过任何朋友，大部份时间都喺屋企食，其实都几闷。到左周六日假期特别想外出，2月最后一日黎到九龙城。对呢间咖啡店印象几深刻，因为第一次黎就系旧年新年，当时都几钟意呢度嘅环境。而家食物选择多咗，又系欢迎毛孩嘅咖啡店，所以假期就更加多人喇腐乳卡邦尼意粉 $88 (配饮品半价)士多啤梨云石芝士蛋糕 $58焙茶拿铁 +$29卡邦尼配搭腐乳，有趣；酱嘅份量唔多，意粉入口仲几爽身，虽然少左一般卡邦尼嘅creamy感，但食落有微微辣度，惹味嘅~~餐点份量唔多，里头只有少量烟肉，未食正餐嘅话可能会唔够饱。芝士蛋糕切得颇大件，消化饼底厚身，忌廉芝士蛋糕香滑，以果酱做出云石纹，有酸酸甜甜士多啤梨味。只系蛋糕本身质感偏结实，未至于令我想一口接一口食。焙茶拿铁以冻饮版本黎讲算几浓郁唔甜，茶粉已融合，好饮呢。