影片
更多
2010-04-20
21 浏览
好友小休复出…”重出江湖”(哈!)之前邀约齐齐食个饭, 又想起久久未尝北京片皮鸭…星期五晚订座吾易, 好在手快快打电话去仲可以争到一小席位!!...对上一次o黎哩度已经系近一年前, 果次周六食午餐, 气氛休闲得多…今次晚上到o黎, 先见识到果种迫爆紧张场面...未坐稳, 服务员就想你快快点菜...楼面小, 台同台之间几乎冇通道...嘈得厉害!!!...自己一小台人坐得咁近距离...倾计亦要拆破喉咙啊!!...被气氛带动, 情绪放不松下来...冇晒心情慢慢睇菜谱...6个人就来个HK$608六人套餐吧!!...包括有想食o既鸭就得o勒!!...明明冇o野要急o既我, 都吾知做乜变到赶住去边咁…要提醒自己冷静一下调整心情…真要命!!...台面细细...上菜速度惊人…服务员团团转好忙, 我地同样好忙…忙住腾出位置, 忙住送食物入口…anyway, 以下系套餐内容：鸡丝粉皮…量足料多, 粉皮够凉够爽, 鸡丝嫩, 附麻酱大碟但芝麻味吾算香浓...想惹味点,亦可放芥末酱;鸭骨汤…卖相真真麻麻, 令我联想起澡堂水(!!)...一大锅滚热辣的, 用上大量津菜同鸭骨熬成…够甜的了!!...北京填鸭…片好
对上一次o黎哩度已经系近一年前, 果次周六食午餐, 气氛休闲得多…今次晚上到o黎, 先见识到果种迫爆紧张场面...未坐稳, 服务员就想你快快点菜...楼面小, 台同台之间几乎冇通道...嘈得厉害!!!...自己一小台人坐得咁近距离...倾计亦要拆破喉咙啊!!...
被气氛带动, 情绪放不松下来...冇晒心情慢慢睇菜谱...6个人就来个HK$608六人套餐吧!!...包括有想食o既鸭就得o勒!!...明明冇o野要急o既我, 都吾知做乜变到赶住去边咁…要提醒自己冷静一下调整心情…真要命!!...
台面细细...上菜速度惊人…服务员团团转好忙, 我地同样好忙…忙住腾出位置, 忙住送食物入口…anyway, 以下系套餐内容：
鸡丝粉皮…量足料多, 粉皮够凉够爽, 鸡丝嫩, 附麻酱大碟但芝麻味吾算香浓...想惹味点,亦可放芥末酱;
鸭骨汤…卖相真真麻麻, 令我联想起澡堂水(!!)...一大锅滚热辣的, 用上大量津菜同鸭骨熬成…够甜的了!!...
北京填鸭…片好o既一大碟上, 大小厚薄均匀, 皮身未算色泽诱人但肉质还够嫩有肉味, 算可口!!...大叠包饼系微温的…够薄吾干, 吾错呀!...甜酱大葱段等佐料各两碟, 足够矣!!
宫保大虾…大大个虾球, 新鲜弹牙!!...炸够香口, 配上甜甜o既宫保酱, 好醒胃!!...食左3, 4球呢!!!嘻嘻…
赛螃蟹…哩个人人赞好!!...相对较细碟头…炒得好嫩滑又吾油, 加少许黑醋...食味更突出!!
小笼包…吾系用蒸笼上, 一碟十只, 一下子就放凉…皮够薄, 肉馅多但过咸又腍…麻麻地!!
蒜茸小白菜…家常小炒一道, 冇难度o既呢!!
高力豆沙…例牌附送o既甜品!!...吾多喜欢只因高力豆沙吾系”卖飞佛”…但个豆沙馅系ok架!!
整餐饭由坐低点菜至埋单(连茶芥小费HK748)以一小时十五分钟内完成!!…其间碟都未清, 服务我地台果两位大叔已经叫我地”拍硬档”埋单…其中一位友善, 一位就态度语气认真差, 叫我地”食快D”??!!!!…只因外面楼梯已见人龙等候…生意做吾切!!!......食到咁急咁赶!...咩珍馐百味都咁话呀!!...
哩一餐食到滚水渌脚咁…快到觉得去坐真正o既快餐厅都仲游闲D哇…真系平平地去”麦记”饮杯cappuccino, 话吾埋仲分分钟有机会撞倒陈豪添呀!!
张贴
