影片
更多
2022-11-01
112 浏览
年纪大咗，口味都唔同咗，我近年对中菜感兴趣，特别系潮州菜🥢。幸好身边朋友同样识饮识食，我哋一齐发掘边度有好食嘅潮州菜，呢晚就帮衬咗位于湾仔嘅「正潮楼」。估唔到餐厅平日晚上都爆场，人气颇高的。呢度环境四正，装修略带中式古典风味🏮，另外老板以至店员们都几有礼貌。题外话，餐厅设有茶位费，每人$12。虾枣拼蟹枣($168/例)，双枣绝对系真材实料之作，虽然佢哋系炸物，但拿捏得好好，香脆而唔油腻。🦐虾枣并无泰式虾饼咁弹牙，虾肉搅得更茸，并混入沙葛同肥猪肉等，整体口感较为丰富。🦀蟹枣包裹一丝丝蟹肉，蟹肉味道鲜甜，再沾埋伴旁嘅潮州桔油，甜甜的，好惹味。老菜脯炖猪肚($68/位)，老菜脯久经存放变成黑色，味道甘香，无想像中咁重口味。汤品同时用上猪骨同猪肚一齐煲🐷，颜色偏深，饮落带胡椒香，好暖胃，而猪肚就烟烟韧韧。水晶白桃粿($58/3件)，餐厅提供一系列嘅㷄烙小食🥠，老实讲好少食冇乜概念。白桃粿个样有啲其貌不扬，似煎粽，不过食落几得意。水晶皮晶凝爽弹，内里包含豆蓉、豆沙、莲子同冬菇等，感觉有啲似甜嘅茶果。糖醋煎伊面 ($118/例)，既然嚟到潮州菜馆，就当然要试吓啲地道嘢。初尝糖醋煎面🍜，所以无得同出
年纪大咗，口味都唔同咗，我近年对中菜感兴趣，特别系潮州菜🥢。幸好身边朋友同样识饮识食，我哋一齐发掘边度有好食嘅潮州菜，呢晚就帮衬咗位于湾仔嘅「正潮楼」。
估唔到餐厅平日晚上都爆场，人气颇高的。呢度环境四正，装修略带中式古典风味🏮，另外老板以至店员们都几有礼貌。题外话，餐厅设有茶位费，每人$12。
虾枣拼蟹枣
$168
17 浏览
0 赞好
0 留言
虾枣拼蟹枣($168/例)，双枣绝对系真材实料之作，虽然佢哋系炸物，但拿捏得好好，香脆而唔油腻。🦐虾枣并无泰式虾饼咁弹牙，虾肉搅得更茸，并混入沙葛同肥猪肉等，整体口感较为丰富。🦀蟹枣包裹一丝丝蟹肉，蟹肉味道鲜甜，再沾埋伴旁嘅潮州桔油，甜甜的，好惹味。
老菜脯炖猪肚
$68
7 浏览
0 赞好
0 留言
水晶白桃粿($58/3件)，餐厅提供一系列嘅㷄烙小食🥠，老实讲好少食冇乜概念。白桃粿个样有啲其貌不扬，似煎粽，不过食落几得意。水晶皮晶凝爽弹，内里包含豆蓉、豆沙、莲子同冬菇等，感觉有啲似甜嘅茶果。
糖醋煎伊面 ($118/例)，既然嚟到潮州菜馆，就当然要试吓啲地道嘢。初尝糖醋煎面🍜，所以无得同出面嘅比较，面饼应该唔系伊面，碱水味略重。煎面并非茶记𠮶啲肉丝炒面咁酥脆，反而似用面整嘅薄饼，沾砂糖同红醋食都匹配，但两个人食呢碟面就有啲多同闷🙈。
干贝海鲜粥($68/位)，🍚潮州粥嘅特色系「糜」，即系指只需要等米粒「开花」就可熄火，米嘅状态相对完整同粒粒分明。上文系引述网上嘅资讯，简单啲讲就系似粥同泡饭之间。冇谂过海鲜粥咁大碗，两个人都够食；配料主要系干贝仔同鱿鱼🦑，味道清清哋，唔饱滞。
福果甜芋泥 ($48)，呢款甜品真系唔系度度有，🍠甜芋泥密度高，细细碗已经够晒。佢口感偏黏，芋头香持续于口内，甜度适中。
清心丸绿豆爽
$48
22 浏览
0 赞好
0 留言
总括嚟讲，我哋今晚食嘅全部都系潮汕特产，未必喺一般中菜酒楼食得到。由于肚皮有限，有部份菜式如卤水等，未有机会一一品尝。如果有兴趣到访的话，可以预先睇定餐牌，因为手工菜项目要预订啊🙏🏻。
张贴
